काठमाडौँ । काठमाडौँ महानगरपालिका आफू वा आफू वरिपरिका कसैमा करोनाभाइरसको संका लागेमा टोल फ्री नं. ११८० मा फोन गर्ने व्यवस्था गरेको छ ।

शुक्रवार एक कार्यक्रमलाई सम्बोधन गर्दै काठमाडौँ महानगरपालिकाका मेयर विद्यासुन्दर शाक्यले उक्त कुराको जानकारी दिएका हुन् । मेयर शाक्यले भने  ‘सङ्क्रमण देखिनुभन्दा अघि नै हामी सबै नागरिकले सजगता अपनाउने हो भने धेरै हदसम्म न्यूनीकरण हुने सम्भावना पनि रहन्छ । उक्त सङ्क्रमण बढी भिडभाड हुने ठाउँमा छिटो फैलिने सम्भावना भएकाले सङ्घीय सरकारले जारी गरेको सूचनालाई आधार मान्दै सकेसम्म बढी सचेतना अपनाउनु हुन हार्दिक अपिल गर्दछु ।’

महानगरले घोडे जात्रा, सेतो मछिन्द्रनाथको रथयात्रा लगायतका जात्रा पर्वहरू नमनाउन समेत अपिल गरेको छ । महानगरले एम्बुलेन्स सेवाका लागि १०२ तथा टोल फ्रि नम्बर ११८० मा खबर तथा सूचना दिन अनुरोध गरेको हो।