काठमाडौँ । राष्ट्रिय सभाको बैठक अर्को सूचना जारी नभएसम्मका लागि स्थगित भएको छ। राष्ट्रिय सभा बैठक शुक्रबार दिउँसो १ बजेका लागि बोलाइएको थियो।कोरोना भाइरसको संक्रमण रोक्न सरकारले २५ जनाभन्दा बढी भेला हुन रोक लगाएको छ। त्यसै कारणले पनि बैठक स्थगन गर्नु परेको जनाइएको छ ।

यसअघि बिहीबारको राष्ट्रिय सभा बैठक सदस्यहरूको ज्वरो नापेरमात्र सञ्चालन गरिएको थियो। प्रतिनिधि सभाको पनि आजै बस्ने भनिएको बैठक एक साताका लागि सारिएको छ। अर्को बैठक १३ गते बस्नेछ।