दमौली । कोरोनाको प्रभावले व्यवसायमा असर परेको भन्दै दमौलीको बन्दीपुर गाउँपालिकाले चालु आर्थिक वर्षमा व्यावसायिक करमा पचास प्रतिशत छुट दिने निर्णय गरेको छ । बुधबार सम्पन्न गाउँपालिकाको बैठकले उक्त निर्णय गरेको हो ।

वित्तीय सङ्घसंस्थालाई व्याजदर कम गर्न तथा घरधनीलाई घरभाडा शुल्कमा सहुलियत गर्न अनुरोध गरिएको गाउँपालिकाका उपाध्यक्ष करुणा गुरुङले जानकारी दिइन् । “कोरोना भाइरसको कारण सबै किसिमका व्यवसायमा समस्या भएपछि व्यवसायीलाई हतोत्साही हुन नदिन व्यावसायिक करमा छुट दिने निर्णय गरिएको हो”, उनले भनिन् ।

यसरी बन्दीपुर गाउँपालिकाले व्यवसायीलाई हतोत्साहित हुन नदिन यस्तो कदम चाली रहेको समयमा नेपाल सरकारले पनि देशको व्यापार र व्यवसायीक अवस्थाको अनुगमन गरेर उचित कदम उठाउने पो हो की ?