स्कटल्यान्डको टेयसाइडमा बस्ने ७५ वर्षका एलन हेटेलले अचम्मको घटना सामना गरेका छन् । उनले आफ्नै चिहान भेटेका छन् । उनी चार महिनादेखि कसैसँग पनि सम्पर्क नगरि बसेका थिए । न उनले कसैलाई फोन गरे न उनलाई कसैले भेट्न नै गए ।

तर, एक सातापछि उनले यो विषयमा बुझ्न छिमेकीहरुकहाँ पुगे । अनि उनले थाहा पाए, उनको निधन भइसकेको मानिएको रहेछ । मानिसहरुले त उनका लागि चिहान पनि बनाएका रहेछन् ।

स्कटिस मिडियाहरुका अनुसार एलनकी पूर्वपत्नीले यसो गरेको हुनसक्ने अनुमान गरिएको छ । उनीहरुको २२ वर्षअघि डिभोर्स भएको थियो । आफ्नै चिहान देखेर आफू अचम्ममा परेको एलनले जनाएका छन् ।