काठमाडौं । विश्वभरी माहामारीको रुपमा फैलिएको कोरोना भाइरस बारे नागरिकलाई जानकारी गराउन सरकारले शुक्रबार बाट ’कल सेन्टर’ सञ्चालनमा ल्याएको छ । कोरोना भाइरस बारे नागरिकको चासो र गुनासो सुन्न यस्तो सेवा सुरू गर्न लागिएको हो ।

आफुलाई कोरोना लागे नलागेको बारे जान्न मन लाग्यो भने १११५ नम्बरमा कल गर्न सकिने भएको छ । कल सेन्टरलाई २४ सैं घन्टा सञ्चालनमा ल्याइने भएको छ । कल सेन्टरमा ६ जना कर्मचारी हुनेछन् भने कसैलाई औषधी र अस्पताल बारे जानकारी लिनपरे कल सेन्टर बाट जानकारी लिन सकिने भएको छ ।