काठमाडौँ । हालै दोस्रो पटक मिर्गौला प्रत्यारोपण गराएका प्रधानमन्त्री केपी शर्मा ओली पूर्ण रूपमा सक्रिय हुन छ महिना लाग्ने चिकित्सकहरूको भनाई रहेको छ ।

मङ्गलवार अस्पतालमा भएको पत्रकार सम्मेलनलाई सम्बोधन गर्दै प्रधानमन्त्रीका निजी चिकित्सक डा. दिव्यासिंह शाहीले उक्त कुराको जानकारी दिएकी हुन् ।

उनले भनिन् ‘प्रधानमन्त्रीलाई भिडभाडमा जान सल्लाह दिँदैनौँ, पुरै सक्रिय भएर अरू सरह हिँडडुल गर्न ६ महिना लाग्न सक्छ, तर नियमित काम गर्न समस्या हुन्न ।’

डा. शाहीले यस बिच प्रधानमन्त्रीले विभिन्न किसिमको संक्रमणबाट जोगिनुपर्ने बताएका छन् ।