काठमाडौं । सुतिरहेका बेला पत्निले पतिको अनुहारमा तेजाव प्रहार गरेकी छन् । काठमाडौंको बालाजुमा सोमबार राति १२ बजे २७ वर्षीय पतिमाथि पत्नीबाट नै तेजाव प्रहार भएको हो ।

घटनालगत्तै अनुसन्धान थालिएको भन्दै महानगरीय प्रहरीवृत्त बालाजुका डीएसपी रञ्जितसिंह राठौरले तेजाब हान्ने काममा श्रीमतीको हात रहेको प्रारम्भिक अनुसन्धानबाट खुलेको बताएका छन् ।

प्रहरीले रामराजामाथि तेजाब छर्ने अरु कोही नभएर पत्नि भएको आशंका गरी रामराजाकी पत्नी प्रतिमा थापालाइ प्रहरी अनुसन्धानका लागि नियन्त्रणमा लिएको छ ।

राजाराम र प्रतिमाबीच यसअघिदेखि नै मनमुटाब हुँदै आएको अनुसन्धानका क्रममा खुलेको छ । उनीहरुबीच ६ वर्षअघि विवाह भएको थियो । उनीहरूको एउटा बच्चा पनि छ।