काठमाडौं । एक १०० वर्षका वृद्ध मानिस कोरोनाभाइरसबाट निको भएका छन् । १०० वर्षीय वृद्ध नोबल कोरोनाभाइरसबाट निको भइसकेको र उनलाई शनिबार अस्पतालबाट डिस्चार्ज गरिएको चिनियाँ सरकारी समाचार एजेन्सी सिन्हुआले आइतबार रिपोर्टमा उल्लेख गरेको छ।

सिन्ह्वाका अनुसार उनि उक्त भाइरसबाट निको हुने सबैभन्दा वृद्ध बिरामी हुन्। उनि २० फेब्रुअरी १९२० मा जन्मेका थिए र उनको १०० औं जन्मदिन मनाइएको थियो।

उनलाई अल्जाइमर रोग, उच्च रक्तचाप र मुटुको विफलता जस्ता अन्तर्निहित स्वास्थ्य समस्याहरूको साथ कोरोनाभाइरस संक्रमणको कारण फेब्रुअरी २ मा अस्पतालमा भर्ना गरिएको थियो ।

सिन्ह्वाका अनुसार उनको जटिल अवस्थाका कारण सेनाका चिकित्सकहरूले धेरै परामर्श लिए। उपचारको क्रममा एन्टिवाइरल उपचार, परम्परागत चिनियाँ औषधि र कन्भलेसेन्ट प्लाज्मा थेरापी सहित विभिन्न विधिहरू प्रयोग गरिएको थियो।

र यो पनि : दाजुले कुटरै गरे एक वर्षिय भाईको हत्या