काठमाडौं । हाम्रो समाजमा अहिले सोच्नै नसक्ने घटनाहरु हुन थालेका छन् । छोरीचेलीहरु आफ्नै परिवारका सदस्यवाट पनि असुरक्षित छन् । अझ आफैले जन्मदिएकी छोरीलाई बुवाले लामो समय देखि अनैतिक काम गरेको सुन्दा आमाको मन कस्तो भयो होला त्यस्तो कुराको शंका पाएपछि आमाले छोरीलाई बारम्बार सोधिन् । धेरै समय सम्म त्यस्तो काम भएको थाहा पाएपछि आमाको होसहवास नै उड्यो । कपिलबस्तुमा एकजना बाबुले लामो समय देखि छोरीलाई यौन शोषण गर्दै आएको कुरा बाहिर आएको छ । बुवाले बारम्बार अनैतिक काम गरेर गर्भ नरहोस् भनेर उनले गर्भ निरोधक औषधी खुवाउने गरेका थिए ।

हिन्दु धर्ममा छोरीलाई लक्ष्मीको रुपमा पुजा गर्ने चलन छ । तर पुज्नुपर्ने छोरीलाई आफ्नै बाबुले एक पटक होइन बारम्बार त्यस्तो काम गरेका हुन् । आमाले यो कुरा सत्य नभए हुन्थ्यो भन्ने मनमा लिँदै छोरीलाई तिम्रो शरिर छोएको मात्र हो की त्यस्तो कुनै अनैतिक काम समेत गर्नुभयो भनेर आमाले सोध्दा छोरीले आमा एक पटक होइन धेरै पटक यस्तो भइसक्यो भनेर सुनाउँदा आमाले टेकेको जमिन भासियो ।

५ वटा छोराछोरीको बुवाले ति मध्ये एउटा छोरीलाई त्यस्तो काम गर्ने गरेका रहेछन् । उनका ४ छोरी र १ छोरा छन् । बुवाले पहिला रिक्सा चलाउँथे । एकदिन उनले आफ्नो श्रीमतीलाई भने अब हामीले आम्दानीको श्रोत बढाउनुपर्छ त्यसैले तिमी पसल गर भनेर श्रीमतीलाई पसल गर्ने सामान ल्याइदिए । घरमा जवान छोरीहरु थिए । त्यसैले घरको काम छोरीहरुले गर्छन म पसल गर्छु भनेर उनी दिनभर घर बाहिर हुन थालिन् । एउटा शुक्रबार उनको छोरीले अध्यारो अनुहार बनाएर बसेकी थिइन् । छोरीलाई खाना खाएर स्कूल जा अनि खाजा खाने पैसा लिएर जा भनेर अराइन् ।

९ कक्षामा पढ्ने १७ वर्षकी छोरीले बिहानमा घरको खाना खाएर स्कूल जाने गर्थिनन् । तर त्यो दिन आमाले घरकै खाना खाएर जा भनेर अराइन् । आमाले खान आइज भनेर बोलाउँदा पनि नगएपछि बुवाले टाउकोमा समातेर भान्छातिर धकले त्यसपछि उनी भान्छामा गएर नराम्रो संग रोइन् । उनले कान्छी छोरीलाई दिदीलाई स्कूलमा केही भएको भए मलाई आएर भन है भनेर भन्दा कान्छी छोरीले हजुर नभएको बेलामा बाबाले ढोका र झ्याल बन्द गरेर दिदीलाई के के गर्नुहुन्छ भनेर सुनाइन् । त्यसो भनेर कान्छी छोरी पनि रुँदै स्कूल गइन् ।

कान्छी छोरीको कुराले उनको मन भक्कानियो । तर केही भन्न सकिनन् । छोरीहरु स्कूलबाट घर आएपछि उनले कान्छी छोरीलाई फेरी राम्रो गरी सम्झाएर सोधिन् । आमाले त्यसरी सम्झाएपछि कान्छी छोरीले बाबाले लामो समय देखि त्यस्तै गर्दै आउनुभएको छ हामीले भन्न सकेका थिएनौं । कान्छीले त्यसरी सुनाउँदा अर्की छोरीले पनि दिदीलाई बुवाले त्यसै गरेको सुनाएपछि उनले त्यो कुरा बाहिर ल्याएकी हुन् ।

https://youtu.be/t9n2Q48kEgg