काठमाडौँ । कमल थापा नेतृत्वको राष्ट्रिय प्रजातन्त्र पार्टी र राप्रपा (राप्रपा) र पशुपति शमशेर जबरा, डा. प्रकाश चन्द्र लोहनी नेतृत्वको राप्रपा सन्युक्तबिच एकीकरण हुने भएको छ ।

शानिबार साँझ बसेको दुई पार्टी बिचको बैठकबाट उक्त सहमति भएको प्रेस विज्ञप्ति मार्फत जनाइएको छ ।

पार्टी एकीकरणको सहमति भएको बारे जानकारी दिँदै पार्टी अध्यक्ष कमल थापाले जानकारी समेत दिएका छन् ।

पार्टी एकीकरणको औपचारिक घोषणा फागुन २८ गते गरीने विज्ञप्तिमा जनाइएको छ ।

सहमति पत्रमा राप्रपा अध्यक्ष कमल थापा, र राप्रपा संयुक्तका डा. प्रकाशचन्द्र लोहनी र पशुपति शमशेरले हस्ताक्षर गरेका छन्।

पार्टी एकीकरण गर्ने निर्णय भएको राप्रपा अध्यक्ष थापाले ट्विट गर्दै जानकारीसमेत दिएका छन्।

आगामी ६ महिनाभित्र महाधिवेशन गर्ने र सो समयसम्मका लागि तीनै जना अध्यक्ष रहने समेत सहमतिमा हस्ताक्षर भएको छ।