काठमाडौँ । नेपाली युवा लेग स्पिनर सन्दीप लामिछानेले थाइल्याण्डविरुद्धको एसीसी इस्टर्न रिजन टि–ट्वान्टी पुरुष क्रिकेट प्रतियोगिताको थाइल्यान्ड विरुद्धको खेलमा नेपालका लेग स्पिनर सन्दीप लामिछानेले नयाँ विश्व कीर्तिमान कायम गरेका छन्। उनले लगातार २२ बल कुनै रन नदिई कीर्तिमान राखेका हुन्।

सन्दीपले आफ्नो पुरा ४ ओभरमा ३ मेडन ओभर गर्दै ९ रन खर्चेर १ विकेट लिएका थिए। यस अघि उक्त कीर्तिमान पाकिस्तानका फास्ट बलर मोहम्मद आमिरको नाममा रहेको थियो। उनले लगातार २१ डट बल फालेका थिए। उनले यूएइविरुद्ध उनले उक्त कीर्तिमान हासिल गरेका थिए।