काठमाडौँ । ललितपुरको भैंसेपाटीमा एक प्रहरीले बच्चा बोकेको महिलामाथि लाठी बर्साएको भिडियो समाजकी सञ्जालमा भाइरल भएको छ ।

यो घटना ललितपुरको भैंसेपाटीस्थित नपाली सेनाका पूर्व जर्नेल हेम खत्रीको घरमा भएको हो ।

खत्रीको घरमा एक महिला उनीसँग आफ्नो पुरानो सम्बन्ध रहेको दाबी गर्दै आएपछि मानिसहरू भेला भएका थिए । त्यस पश्चात् पूर्व जर्नेल खत्रीले प्रहरीमा खबर गरेका थिए ।

एक महिला खत्रीसँग आफ्नो पुरानो सम्बन्ध रहेको तर उनले आफूलाई श्रीमती नस्विकारेको भन्दै दलबल लिएर उनको घर गएकी थिइन्। ती महिला चार महिनादेखि यसरी नै खत्रीको घरअगाडि ‘धर्ना’ दिइरहेकी छन्।

प्रहरीले महिलाहरूलाई त्यहाँबाट हटाउन खोज्यो। नमानेपछि बल प्रयोग गर्‍यो। त्यही क्रममा इन्स्पेक्टर देवीप्रसाद पौडेलले पनि लाठी चलाएका हुन् ।