काठमाडौं । केही दिन देखी उकालो लाग्दै नयाँ कीर्तिमान कायम गरेको सुनको मूल्य आज सातको चौथो दिन बुधवार भने केही रकमले ओरालो लागेको छ ।

बुधवार सुन पाँच सय रुपैयाँले घटेको नेपाल सुनचाँदी महासङ्घले जनाएको छ । गत सोमबार सुनको मूल्य एकै दिनमा १५ सय रुपैयाँले बढेर ८० हजार तीन सय रुपैयाँ पुग्दै नयाँ कीर्तिमान कायम गरेको थियो । तर मङ्गलवारबाट भने सुनको मूल्य ओराले लाग्न थालेको छ ।

मङ्गलवार तीन सय रुपैयाँले घटेको सुन आज पाँच सय रुपैयाँले घट्दै ७९ हजार पाँच सय रुपैयाँमा कारोबार भइरहेको छ ।

त्यस्तै बुधवार चाँदीको भाउ पनि तोलामा २० रुपैयाँ घटेर ९ सय पाँच रुपैयाँमा कारोबार भइरहेको छ महासङ्घले जनाएको छ ।