एजेन्सी । विश्व ११ विरुद्ध बंगलादेशमा हुने टी-ट्वान्टी सिरिजका लागि एसिया ११ को टिम सार्वजनिक भएको छ ।

बंगलादेश क्रिकेट बोर्डले मंगलबार एसिया(११ बाट खेल्ने १४ खेलाडीको नामावली सार्वजनिक गरेको हो ।

बोर्डले सार्वजनिक गरेको नामावलीमा नेपालका सन्दीप लामिछाने समेत रहेका छन् । एसिया(११ को टिममा पर्ने सन्दीप एसोसियट र नेपालको एकल खेलाडी हुन् ।

एसिया-११ को टिममा भारतीय खेलाडीको बाहुल्यता रहेको छ । टिममा भारतका ६ खेलाडी रहेका छन् ।

सन्दीपसंगै विराट कोहली, लोकेश राहुल, ऋषब पन्त, कुलदिप यादव, शिखर धवन, तामिम इकबाल, लिटोन दास, मुस्फिकर रहमान, थिसरा परेरा, राशिद खान, मुस्ताफिजुर रहमान, लासिथ मालिंगा, मोहमद शामी र मुजिब उर रहमान रहेका छन् ।

विराट र राहुलको भने निश्चित हुन् बाँकी रहेकको छ । यद्दपी उनिहरुले दुई मध्य एक खेल खेल्ने सम्भावना रहेको छ । खेल मार्च १८ र २१ मा ढकामा हुनेछ ।

यस्तै विश्व-११ को टिम समेत बंगलादेश क्रिकेट बोर्डले सार्वजनिक गरेको छ । विश्व-११ कको कप्तानी फाफ डुप्लेसिसले गर्ने छन् ।

विश्व-११ टिममा क्रिस गेल, एलेक्स हेल्स, निकोलस पुरन, रोस टेलर, जोन्नी बेयरस्टो, किरण पोलार्ड, आदील राशिद, शेल्डन कट्रेल, लुंगी न्गिदी, एण्ड्रिउ टाइ र मिचेल मेक्लेनेघन रहेका छन् ।