काठमाडौँ । शुक्रबारदेखि देशैभर प्रदर्शनरत चलचित्र हो सेन्टी भाईरस । लामो समयपछी अभिनयमा फर्किएका हाँस्य टेलीश्रृखंलाका जोडी धुर्मश सुन्तली अभिनित तथा रामबाबु गुरुङ निर्देशित चलचित्र यतिबेला हाउसफूलका साथ चलिरहेको छ ।

चलचित्र चल्नुको कारण कलाकारबाट सामाजिक अभियन्ताको छवि बनाएका सिताराम कट्टेल र कुञ्जना घिमिरेले थालेको गौतम बुद्घ अन्तर्रराष्ट्रिय क्रिकेट रंगशाला पनि हो । निर्माण पक्षले जनाए अनुसार टिकटबाट उठेको ५० प्रतिशत रकम सौझै रंगशाला निर्माणमा खर्च गर्ने भनिएको छ । निर्माता तथा अभिनेता सिताराम कट्टेलका अनुसार लगानी उठेपछिकाे नाफाकाे रकमबाट ५० प्रतिशत रंगशालालार्इ जाने बताएका छन् ।

दर्शकलाई निर्माण पक्षले रंगशाला निर्माणका लागि चलचित्र अभिप्रेरित गरे पनि दर्शकले किनेको टिकट ५० प्रतिशत नै रकम रंगशालालाई भने जादैन । उदाहरणका लागि क्यूएफएक्स सिनेमा हलको रु ४१० बराबरको टिकट काट्दा टिकट बराबरकाे रकम मध्ये स्थानिय विकास कर शुल्क रु १७.२, १३ प्रतिशत भ्याट शुल्क ४७.१७ कटाएर रू ३४५.५५ बच्न अाउँछ । बच्न आएको रकम मध्ये ५० प्रतिशत हलवालाले राखेर दिदा रु १७२.७७ रहन्छ । चलचित्रका वितरककाे कमीसन (५ देखि १५ प्रतिशत ) ५ प्रतिशत कटाउदा कटाउदा बचेको रु १६४.१३ पैसा अन्तर्रगत ५० प्रतिशत रंगशाला रु ८२ रकम मात्र रंगशालको खातामा जान्छ ।

पुनश्चः वितरक गाेविन्द शाहीका अनुसार वितरकको अहिलेको लागि वितरककाे प्रतिशत यति नै भनेर सम्झाैता नभएकाे चलचित्रकाे सम्पूर्ण ब्यापार पश्चात अापसी सम्झाैताका अाधारमा तय गरिने बताए ।

यदि तपाईले रंगशाला निर्माणार्थ ४१० रुपैयाँ हालेर चलचित्र हेर्नुभयो भने तपाईले रु ८२ सहयोग गर्न सक्नुहुन्छ ।

पहिलाे हप्तामा चलचित्रले कमाएकाे रकम मध्ये झण्डै ४० प्रतिशत निर्माताकाे हातमा पर्न जान्छ । त्यसपछिका हप्तामा निर्माताले पाउने प्रतिशत क्रमशः घट्दै जान्छ ।

यदि चलचित्रले ५ करोड कमाएमा त्यसको ४० प्रतिशत अर्थात २ करोड निर्माताको हातमा पर्छ । निर्माण टोलिका अनुसार चलचित्रको लगानी पनि २ करोड नै रहेको छ । अर्थात खुद नाफा छैन बराबर छ । यस्तोमा चलचित्रको कमाइ मध्ये कुनै रकम रंगशाला निर्माणमा जाने छैन ।

चलचित्रले कमाउने रकम दोब्बर अर्थात १० करोड हुन गएमा निर्माताको हातमा ४ करोड पर्नेछ । ४ करोडमा लगानी २ करोड घटाउँदा खुद नाफा २ करोड हुन आउँछ । निर्माण टोलिले भने अनुसार उक्त २ करोडको ५० प्रतिशत अर्थात १ करोड रंगशाला निर्माणमा जानेछ ।

यसरी चलचित्रबाट १ कराेड मात्रै पनि रंगशालासम्म पुग्न चलचित्रले कम्तीमा १० कराेडकाे काराेबार गर्नुपर्ने देखिन्छ ।